مہر خبررساں ایجنسی نے فلسطینی ذرائع ابلاغ کے حوالے سے کہا ہے کہ حماس اور تحریک جہاد اسلامی فلسطین کی ذیلی شاخیں غزہ پر حملہ کرنے والی صہیونی فورسز کے خلاف مختلف مقامات پر آپریشن میں مصروف ہیں۔
تازہ ترین اطلاعات کے مطابق غزہ کے قصبے الزیتون پر صہیونی طیاروں سے گرائے گئے بم پھٹنے میں ناکام رہے تھے۔ مجاہدین نے صہیونی فورسز کے خلاف اسرائیلی بم کو استعمال کیا اور سیکورٹی فورسز کے درمیان کامیابی سے دھماکے سے اڑادیا۔
واقعے کے بعد گھات لگائے ہوئے مجاہدین نے صہیونی فوجیوں پر حملہ کیا جس کے نتیجے میں متعدد صہیونی فوجی ہلاک اور زخمی ہوگئے۔
الزیتون کے قصبے میں ہی القدس کے جوانوں نے صہیونی فوج کے دفاعی سسٹم پر ثاقب بموں سے حملہ کیا جس کے نتیجے میں دفاعی نظام کو نقصان پہنچا۔
دوسری جانب القسام بریگیڈ نے کہا ہے کہ تنظیم کے مجاہدین نے غزہ میں گشت کرنے والے صہیونی فوجیوں پر یاسین 105 مارٹر گولوں سے حملہ کیا ہے۔
آپ کا تبصرہ