مہر خبررساں ایجنسی کی رپورٹ کے مطابق، امریکی جریدے وال اسٹریٹ جرنل نے غزہ میں صہیونی حکومت کی ناکامی کی طرف اشارہ کرتے ہوئے کہا ہے کہ غزہ میں حماس کے زیراستعمال سرنگوں کو تباہ کرنا اسرائیل کا اہم ہدف تھا تاہم صہیونی فورسز کی تمام تر کاروائیوں کے باوجود یہ سرنگیں سالم ہیں۔
اخبار نے باخبر ذرائع کے حوالے سے خبر دی ہے کہ اسرائیلی فوج اب تک کے حملوں میں غزہ کی فقط 20 فیصد سرنگیں تباہ کرنے میں کامیاب ہوسکی ہیں۔
یاد رہے کہ موثق ذرائع نے تاکید کی ہے کہ غزہ میں حماس کی سرنگیں نہایت ہی پیچیدہ نظام کے تحت انتہائی گہرائی میں بنائی گئی ہیں جس کی وجہ سے اسرائیلی فوج کو سرنگوں تک رسائی میں زیادہ مشکلات پیش آرہی ہیں۔
دفاعی مبصرین کے مطابق حماس نے ان سرنگوں کو باہمی مربوط نظام کے تحت بنایا ہے۔ بعض سرنگیں کئی منزلوں پر مشتمل ہیں جن کو فتح کرنا صہیونی فورسز کے لئے جان جوکھوں کا کام ہے۔
آپ کا تبصرہ