مہر خبررساں ایجنسی نے کہا ہے کہ ایرانی وزیرخارجہ حسین امیر عبداللیان نے ترک ہم منصب ہاکان فیدان سے ٹیلفون پر رابطہ کیا اور فلسطین کے حالات پر گفتگو کی۔
اس موقع پر عبداللہیان نے تاکید کی کہ غزہ اور غرب اردن میں صہیونی جارحیت فوری طور پر بند ہونا چاہئے۔ ایران اور ترکی جیسے اہم اسلامی ممالک کو فلسطین کی حمایت میں فعال کردار ادا کرنا ہوگا۔
ایرانی وزیرخارجہ نے دونوں ملکوں کے درمیان باہمی تعاون میں اضافے پر خوشی کا اظہار کرتے ہوئے کہا کہ مستقبل میں سفارتی اور دیگر شعبوں میں روابط مزید گہرے ہوں گے۔ اس موقع پر ہاکان فیدان نے کہا کہ ترکی غزہ میں عارضی جنگ بندی کو مستقل جنگ بندی میں تبدیل کرنے کی کوششیں جاری رکھے گا۔
ترک وزیرخارجہ نے ایران اور ترکی کے باہمی تعلقات کو مضبوط قرار دیتے ہوئے کہا کہ دونوں ممالک کے اعلی حکام کے درمیان رابطے بڑھنے سے ان میں مزید استحکام آئے گا۔
آپ کا تبصرہ