مہر خبررساں ایجنسی نے الجزیرہ کے حوالے سے نقل کیا ہے کہ قابض صیہونی حکومت کی فوج کے ترجمان نے شمالی غزہ کی پٹی میں مزاحمتی مجاہدین کے ساتھ جھڑپ میں "گفعاتی" خصوصی یونٹ کے 2 صیہونی اہلکاروں کی ہلاکت کا اعتراف کیا ہے۔
انہوں نے یہ بھی اعتراف کیا کہ ان جھڑپوں میں اس یونٹ کے دو اہلکار شدید زخمی ہوئے۔
دوسری جانب فلسطینی مزاحمت کاروں نے غزہ کی پٹی میں دراندازی کرنے والی قابض صیہونی فوج کا جم کر مقابلہ کیا۔
حماس کے مسلح ونگ القسام بریگیڈ نے اعلان کیا ہے کہ مزاحمتی مجاہدین نے صوبہ الوسطی کے مشرق میں واقع جحر الدیک کے علاقے میں صیہونی حکومت کی فوجی گاڑیوں پر گھات لگا کر حملہ کیا جو غزہ کی پٹی میں داخل ہورہی تھیں۔
القسام نے اعلان کیا ہے کہ مزاحمتی مجاہدین اس علاقے میں یاسین 105 مارٹر سے حملہ آوروں کو نشانہ بنانے میں کامیاب ہوئے۔
درایں اثناء القدس بریگیڈ نے بھی غزہ کے الزیتون قصبے میں واقع السمونی کے علاقے میں دشمن کی بکتر بند گاڑیوں اور فوج کو بھاری مارٹروں سے نشانہ بنایا۔
آپ کا تبصرہ