کلکتہ کے ہوٹل میں آگ لگنے سے 2 افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستانی  شہر کلکتہ کے ہوٹل میں آگ لگنے سے 2 افراد ہلاک جبکہ 7 زخمی ہوگئے ہیں۔اطلاعات کے مطابق کلکتہ کے گولڈن پارک ہوٹل میں آگ بھڑک اٹھی جس سے 2 افراد جھلس کر ہلاک ہوگئے۔فائر بریگیڈ عملے کے مطابق آگ پر قابو پالیا گیا ہے۔فائر بریگیڈ حکام کے مطابق آگ پہلے ہوٹل کے کچن سے شروع ہوئی جس نے ہوٹل کو اپنی لپیٹ میں لے لیااور آگ شارٹ سرکٹ کی وجہ سے لگنے کا امکان ہے۔آگ لگنے کے بعد ہوٹل میں مقیم تین افراد نے ہوٹل کی تیسری منزل سے کود کر جان بچانے کی کوشش کی جس کے نتیجے میں وہ زخمی ہوگئے۔