ترک پولیس نے نائٹ کلب پر فائرنگ کرنے والے داعشی حملہ آورکو گرفتار کرلیا

مہر خبررسان ایجنسی نے حریت کے حوالے سے نقل کیا ہے کہ ترک پولیس نے نائٹ کلب پر فائرنگ کرنے والے داعشی حملہ آور سمیت 5 دہشت گردوں کو گرفتار کرلیا ہے۔ حملہ آور کا تعلق داعش دہشتگرد تنظیم  سے ہے گرفتار ہونے والوں تین خواتین بھی شامل ہیں۔ تمام دہشت گردوں کو پولیس نے آپریشن کرکے استنبول کے علاقے اسن یورت میں ایک فلیٹ سے گرفتار کیا ہے- ترک میڈیا کا کہنا ہے کہ مبینہ حملہ آور قرقیزستان کے شہری کے فلیٹ میں اپنے 4سال کے بیٹے کے ساتھ مقیم تھا۔
گرفتار کیے جانے والوں میں 3خواتین بھی شامل ہیں- ترکی میں نیو ایئر نائٹ کے موقع پر نائٹ کلب پر حملے میں 39افراد مارے گئے تھے۔ حملے کی ذمہ داری داعش دہشت گرد تنظیم نے قبول کرلی تھی ۔ داعش کو اس سے قبل شام اور عراق میں ترکی کی پشتپناہی حاصل تھی لیکن ناکام فوجی بغاوت کے بعد ترکی نے داعش سے منہ پھیر لیا اور اب ترکی داعش کے خلاف فوجی کاررواغی میں شامل ہوگیا ہے۔