ترکی میں نئے سال کے آغاز پر فائرنگ کے نتیجے میں 39 افراد ہلاک

ترکی کے شہر استنبول کے نائٹ کلب میں سانتا کلاز کا روپ دھارے مسلح شخص نے فائرنگ کر کے 39 افراد کو ہلاک اور 40 کو زخمی کردیا ہے۔

مہر خبررساں ایجنسی نے اسکائی نیوز کے حوالے سے نقل کیا ہے کہ ترکی کے شہر استنبول کے نائٹ کلب میں سانتا کلاز کا روپ دھارے مسلح شخص نے فائرنگ کر کے 39 افراد کو ہلاک اور 40 کو زخمی کردیا ہے۔اطلاعات کے مطابق ترکی کے دوسرے بڑے شہر استنبول میں مسلح شخص نے پہلے نائٹ کلب کے سکیورٹی گارڈ کو فائرنگ کر کے قتل کیا اور پھر اندر گھس پر اندھا دھند فائرنگ کردی جس کے نتیجے میں 39 افراد ہلاک اور 40 زخمی ہوگئے۔ ہلاک ہونے والوں میں 16 غیر ملکی بھی شامل ہیں۔ واقعہ کی اطلاع ملتے ہی پولیس اور ریسکیو ٹیمیں جائے وقوعہ پر پہنچ گئیں اور زخمیوں کو فوری طور پر قریبی اسپتالوں میں منتقل کیا جہاں انہیں طبی امداد فراہم کی جا رہی ہے جب کہ حملہ آور فرار ہونے میں کامیاب ہو گیا۔ پولیس حکام کے مطابق سانتا کلاز کا روپ دھارے حملہ آور نے نائٹ کلب میں سال نو کا جشن منانے والوں کو نشانہ بنایا، علاقے کا محاصرہ کر کے حملہ آور کی تلاش شروع کر دی گئی ہے۔ دوسری جانب گورنر استنبول نے بھی حملے میں 39افراد کی ہلاکت اور 40 کے زخمی ہونے کی تصدیق کردی ہے۔ ترک وزارت داخلہ کی جانب سے جاری بیان میں کہا گیا ہے کہ حملے کے وقت کلب میں 600 افراد موجود تھے۔ ترکی ان ممالک میں شامل رہا ہے جو شام اور عراق میں دہشت گردوں کی حمایت کرتے رہے ہیں۔

News Code 1869398

لیبلز

آپ کا تبصرہ

You are replying to: .
  • 5 + 4 =