امریکی شہر سیاٹل میں فائرنگ سے پانچ افراد زخمی

مہر خبررساں ایجنسی نے ایسوسی ایٹڈ پریس کے حوالے سے نقل کیا ہے کہ امریکی شہر سیاٹل میں ایک اسٹور کے سامنے فائرنگ میں پانچ افراد زخمی ہو گئے ہیں جس میں سے ایک کی حالت تشویشناک ہے۔  فائرنگ کا واقعہ ڈاؤن ٹاؤن سیاٹل کے علاقے تھرڈ ایونیو پر پیش آیا، واقعے میں 5 افراد زخمی ہوگئے، جن میں ایک خاتون بھی شامل ہیں۔ فائرنگ کرنے والا شخص فرار ہوگیا۔عینی شاہدین کے مطابق بعض افراد کے درمیان جھگڑے کے بعد ان میں سے ایک شخص نے ہجوم پر فائرنگ کی اور بھاگ گیا۔