لاہور میں علامہ اقبال ایئرپورٹ سے کرنسی اسمگل کرنے کی کوشش ناکام

پاکستان کے انٹیلیجنس ادارے نے علامہ اقبال ایئرپورٹ سے 20 کروڑ روپے مالیت کی غیر ملکی کرنسی دبئی اسمگل کرنے کی کوشش ناکام بناتے ہوئے ایک شخص کو حراست میں لے لیا ہے۔

مہر خبررساں ایجنسی نے ایکسپریس نیوز کے حوالے سے نقل کیا ہے کہ پاکستان کے انٹیلیجنس ادارے نے علامہ اقبال ایئرپورٹ سے 20 کروڑ روپے مالیت کی غیر ملکی کرنسی دبئی اسمگل کرنے کی کوشش ناکام بناتے ہوئے ایک شخص کو حراست میں لے لیا ہے۔اطلاعات کے مطابق لاہور ایئرپورٹ پر غیر ملکی ایئرلائن کی پرواز ای کے623 کا مسافر ذیشان بٹ وزٹ ویزا پر اپنے گھر والوں کے ہمراہ دبئی جارہا تھا۔ ذیشان بٹ اے ایس ایف، اے این ایف اور کسٹم کے کاؤنٹر سے کلیئر ہوکر ڈیپارچر لاؤنچ میں بورڈنگ کارڈ کے حصول کے لئے قطار میں موجود تھا کہ انٹیلی جنس ادارے کے اہلکاروں نے کارروائی کرتے ہوئے اس کے سامان سے بھاری مقدار میں غیر ملکی کرنسی برآمد کرلی۔ ذرائع کے مطابق ذیشان بٹ سے 10 ہزار امریکی ڈالر،ساڑھے 3ہزار برطانوی پاؤنڈ، 14 لاکھ 54 ہزار یورو اور 15 لاکھ 91 ہزار یو اے ای درہم برآمد ہوئے ہیں، جس کی مالیت پاکستانی کرنسی میں 20 کروڑ روپے بنتی ہے۔ ملزم کا تعلق پنجاب کی ایک کاروباری شخصیت سے بتایا جارہا ہے جب کہ گزشتہ برس لاہور سے ہی کروڑوں روپے مالیت کا سونا دبئی اسمگل کرنے کی کوشش کے دوران حراست میں لیاجانے والا توفیق بٹ بھی اس کا رشتے دار کہا جارہا ہے۔

News Code 1862061

لیبلز

آپ کا تبصرہ

You are replying to: .
  • 3 + 11 =