ملا عمر کے بیٹے نے ملا اختر منصور کی بیعت کا اعلان کردیا

مہر خبررساں ایجنسی نے ایکسپریس نیوز کے حوالے سے نقل کیا ہے کہ افغانستان میں طالبان دہشت گرد تنظیم کے سابق سربراہ ملا عمر کے بھائی  ملا عبدالمنان اور بیٹے ملا یعقوب نےطالبان کے نئے سربراہ  ملا اختر منصور کی بیعت کا اعلان کردیا ہے۔ افغان طالبان کی جانب سے جاری ایک بیان میں کہا گیا ہے کہ ملا عمر کے بیٹے ملا یعقوب اور ملا عمر کے بھائی ملا عبدالمنان نے نئے سربراہ ملا اختر منصور کی بیعت کا اعلان کردیا ہے۔ واضح ر ہے کہ گزشتہ ماہ طالبان کے نئے سربراہ کے انتخاب کے بعد ملا عمر کے خاندان اور کئی دیگر رہنمائوں نے ملا اختر منصور کی مخالفت کی تھی ان کا دعویٰ تھا کہ ملا اختر منصور کو طالبان کی شوریٰ اور علماء نے منتخب نہیں کیا ہے۔