مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے علاقہ خیبر ایجنسی میں سکیورٹی فورسز کی فضائی کارروائی کے نتیجے میں 24 وہابی دہشت گرد ہلاک جب کہ متعدد زخمی ہوگئے ہیں۔ پاک فوج کے شعبہ تعلقات عامہ کے مطابق سکیورٹی فورسز نے خیبرایجنسی میں پاک افغان سرحدی علاقے رجگال میں فضائی کارروائی کرتے ہوئے دہشت گردوں کے ٹھکانوں کونشانہ بنایا، جس کے نتیجے میں 24 دہشت گرد ہلاک ہوگئے۔ کارروائی کے دوران 2 خودکش حملہ آوروں کے مارے جانے کی بھی اطلاعات ہیں۔
واضح رہے کہ گزشتہ روز بھی شمالی وزیرستان کے علاقے شوال میں سکیورٹی فورسز کی کارروائی میں 40 دہشت گرد مارے گئے تھے۔
آپ کا تبصرہ