افغان فضائیہ کے حملے میں 8 طالبان دہشت گرد ہلاک

مہر خبررساں ایجنسی نے افغان ذرائع کے حوالے سے نقل کیا ہے کہ افغان فضائیہ کی مشرقی کنڑ اور نورستان صوبوں میں کارروائیوں کے نتیجے میں 8 وہابی شرپسند مارے گئے جبکہ 13 زخمی ہوگئے ہیں ۔افغان وزارت دفاع کے مطابق صوبہ نورستان کے ضلع دو آب اور کنڑ کے ضلع اسمار میں افغان فضائیہ کے گن شپ ہیلی کاپٹروں نے کارروائی کی ہے ۔ طالبان کی طرف سے گزشتہ 2 دنوں کے دوران افغان سکیورٹی فورسز کی چیک پوسٹوں پر لگاتار حملے کیے گئے جس کے جواب میں یہ کارروائی کی گئی جس کے نتیجے میں اسمار میں 6 وہابی شرپسند مارے گئے جبکہ 11 زخمی ہوئے جبکہ دیگر 2  وہابی شر پسند دو آب میں زخمی ہوئے جو بعد ازاں چل بسے۔ کارروائی میں وہابی شر پسندوں کے گولہ بارود کے ٹھکانوں کو بھی تباہ کردیا گیا ہے ۔