ہندوستانی شہر حیدر آباد دکن میں15 افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے ک ہندوستانی شہر حیدر آباد دکن میں یکے بعد دیگرے 3 بم دھماکوں میں 15 افراد ہلاک اور درجنوں زخمی ہوگئے ہیں۔ اطلاعات کے مطابق حیدر آباد دکن کے علاقے دل سکھ نگر بس اسٹینڈ پر 2 زور دار دھماکے ہوئے جس کے نتیجے میں 15 افراد ہلاک اور 30 سے زائد زخمی ہوگئے ہیں۔ ذرائع کے مطابق دھماکے میں زخمی متعدد افراد کی حالت تشویشناک ہے۔ ہلاکتوں میں اضافے کا خدشہ بھی ظاہر کیا جارہا ہے۔