مہرخبررساں ایجنسی نے فلسطینی کی سما خبررساں ایجنسی کے حوالے سے نقل کیا ہے کہ غزہ پٹی میں اسرائیلی فوج کی فائرنگ سے 4 فلسطینی شہید ہو گئےہیں
اسرائیلی فوج اور فلسطینی اسپتال کے ذرائع کے مطابق جنوبی غزہ کے قصبے خان یونس میں اسرائیلی کمانڈو یونٹ کے ساتھ جھڑپ میں حماس کا ایک رکن شہید جبکہ 5 شدید زخمی ہوگئے۔اسرائیلی فوج کی خاتون ترجمان کا کہنا ہے کہ جنوبی سرحد پر اسرائیل میں دراندازی کرنے والے تین مسلح فلسطینیوں کے ایک گروپ میں شامل ایک شخص کو فائرنگ کرکے شہید کیا گیا۔انہوں نے باقی دو فلسطینیوں کے بارے میں کچھ نہیں بتایا ۔واضح رہے کہ سال 2000 میں فلسطینیوں کی تحریک انتفاضہ کے آغاز سے اب تک مارے جانے والے افراد کی تعداد5 ہزار 9 سو 29 ہوگئی ہے جن میں اکثریت فلسطینیوں کی ہے۔
آپ کا تبصرہ