20 نومبر، 2026، 2:47 PM

صہیونی سازشوں کا راستہ روکا جائے، تحریک النجباء کا عراقی حکام سے مطالبہ

صہیونی سازشوں کا راستہ روکا جائے، تحریک النجباء کا عراقی حکام سے مطالبہ

عراقی مزاحمتی تحریک نے بغداد کے ثقافتی مقامات پر یہودی ورثے کی بحالی کے نام پر ہونے والی مشکوک سرگرمیوں کو اسرائیل سے تعلقات معمول پر لانے کے منصوبے کا حصہ قرار دیا ہے۔

مہر خبررساں ایجنسی کی رپورٹ کے مطابق، عراق کی اسلامی مزاحمتی تحریک النجباء کی ایگزیکٹو کونسل نے ملک کے سرکاری حکام کو خبردار کیا ہے کہ عراق کے تاریخی ورثے کو اسرائیل کے ساتھ تعلقات معمول پر لانے کے منصوبے کو آگے بڑھانے کے لیے استعمال کیا جا رہا ہے۔

تحریک النجباء نے ایک بیان میں بغداد کے بعض ثقافتی مقامات، بالخصوص شارع المتنبی اور یہودیوں سے منسوب بعض عمارتوں میں تاریخی ورثے کی بحالی کے نام پر جاری مشکوک سرگرمیوں میں اضافے پر تشویش کا اظہار کیا ہے۔

بیان میں کہا گیا ہے کہ ان سرگرمیوں کا صہیونی حکومت میں عراق کے یہودی ورثے کی بحالی کے عنوان سے منعقد ہونے والی کانفرنسوں کے ساتھ بیک وقت جاری رہنا اس بات کا تقاضا کرتا ہے کہ ان اقدامات کے اصل مقاصد اور پس پردہ سرگرم اداروں کو بے نقاب کیا جائے۔

تحریک النجباء نے سوال اٹھایا ہے کہ ان اقدامات کے پیچھے کون لوگ ہیں، ان کے محرکات کیا ہیں اور انہیں مالی وسائل کون فراہم کر رہا ہے؟ تحریک نے مزید کہا کہ اس کے پاس ایسی اطلاعات موجود ہیں جن سے ظاہر ہوتا ہے کہ بعض یورپی حکومتیں صہیونیوں کو پاسپورٹ فراہم کرنے اور ان کی عراق میں آمد کو آسان بنانے کے لیے ملی بھگت کر رہی ہیں، تاکہ قابض اسرائیلی حکومت سے ان کا تعلق پوشیدہ رکھا جا سکے۔

تحریک کی ایگزیکٹو کونسل نے اس خطرے کا مقابلہ کرنے کا مطالبہ کرتے ہوئے سرکاری، سکیورٹی اور ثقافتی حکام پر زور دیا ہے کہ وہ اپنی قومی ذمہ داری پوری کریں، نگرانی اور قانونی ذرائع سے حقیقت کا پتا لگائیں اور ثقافتی اداروں کو اسرائیل کے ساتھ تعلقات معمول پر لانے کے منصوبے کے لیے استعمال نہ ہونے دیں۔

بیان کے آخر میں واضح کیا گیا ہے کہ عراق کے تاریخی ورثے کو اسرائیل کے ساتھ سازباز کا ذریعہ نہیں بننے دیا جا سکتا۔ قومی خودمختاری کا تقاضا ہے کہ عراقی عوام کو معلوم ہو کہ ان کی سرزمین پر کون، کس سازش کے تحت اور کن مقاصد کے لیے سرگرم ہے۔

News ID 1942985

لیبلز

آپ کا تبصرہ

You are replying to: .
  • captcha