مہر خبررساں ایجنسی کی رپورٹ کے مطابق، صہیونی فوج کے سربراہ نے مذہبی یہودیوں (حریدیوں) پر مشتمل بٹالین ’’تومر‘‘ کو منحل کرنے کا فیصلہ کیا ہے۔ یہ بٹالین اسرائیلی فوج کے گفعاتی بریگیڈ کا حصہ تھی۔
رپورٹ کے مطابق، یہ فیصلہ اس وقت کیا گیا جب فوج کو حریدی نوجوانوں کی بھرتی میں ناکامی کا سامنا ہوا۔ عبرانی روزنامہ ہاآرٹز نے فوجی ذرائع کے حوالے سے لکھا ہے کہ غزہ پر جاری جنگ کے آغاز سے اب تک ہزاروں اسرائیلی قابض فوجی اپنی ملازمت چھوڑ چکے ہیں۔
ایک صہیونی افسر نے اعتراف کیا کہ فوج چھوڑنے والوں کی اصل تعداد ان اعداد و شمار سے کہیں زیادہ ہے جو سرکاری طور پر جاری کیے جاتے ہیں۔
کچھ عرصہ قبل یہ بھی اطلاع ملی تھی کہ کم از کم آٹھ حریدی یہودی، جو فوجی سروس سے فرار ہوگئے تھے، تل ابیب کے بن گوریون ایئرپورٹ پر غاصب اسرائیل سے فرار ہوتے ہوئے گرفتار کرلیے گئے۔
آپ کا تبصرہ