مہر خبررساں ایجنسی کی رپورٹ کے مطابق، ایران کے وزیر انٹیلیجنس حجت الاسلام سید اسماعیل خطیب نے انکشاف کیا ہے کہ اسلامی جمہوریہ ایران نے نہ صرف اپنی سرزمین پر غیر ملکی ایجنٹوں کے خلاف کامیاب کارروائیاں کی ہیں بلکہ دشمن ممالک اور صہیونی حکومت کے اندر بھی گہرا نفوذ حاصل کیا ہے۔
ایک انٹرویو میں جب ان سے وزارت انٹیلیجنس کی حالیہ کامیابیوں اور اعلیٰ سطح پر ممکنہ نفوذ سے متعلق سوال کیا گیا تو انہوں نے کہا کہ نفوذ کا مسئلہ ہمیشہ سے موجود رہا ہے اور آئندہ بھی رہے گا، لیکن ہم نے بھی دوسرے ممالک اور خاص طور پر صہیونی حکومت کے اندر نفوذ پیدا کیا ہے۔
انہوں نے وضاحت کی کہ جب کسی سطح پر نفوذ کی نشاندہی ہوتی ہے، تو مسلح افواج اور انٹیلیجنس ادارے مشترکہ طور پر کارروائی کرتے ہیں اور ہر کیس کی عدلیہ کے ذریعے قانونی پیروی کی جاتی ہے۔
حجت الاسلام خطیب نے زور دیا کہ میڈیا اور عوام کو جو خبریں فراہم کی جاتی ہیں، وہ افواہ یا جھوٹی نہیں بلکہ مصدقہ اور مستند ہوتی ہیں۔
جب ان سے پوچھا گیا کہ وزارت انٹیلیجنس نے اعلی سطح پر نفوذ کی شناخت میں کوئی پیشرفت کی ہے، تو انہوں نے کہا کہ ہماری کامیابیاں منظر عام پر لائی جاتی ہیں، اور جب بھی اہم کامیابی حاصل ہوتی ہے، اس کا باضابطہ اعلان کیا جاتا ہے۔
آپ کا تبصرہ