مہر نیوز کے مطابق، ایران کے وزیرخارجہ نے اپنے ایکس اکاؤنٹ پر یومِ یورپ (5 مئی) کے موقع پر ایک پوسٹ میں یورپ کے ان تمام لوگوں کو اس دن کی مبارکباد دی جو اسے متحد، پرامن یورپ کے وژن کے ساتھ مناتے ہیں۔
ایرانی وزیر خارجہ نے کہا کہ اس خاص دن پر، یورپ کے امن اور خوشحالی کے لئے کام کرنے والے تمام افراد کو پوری دنیا میں امن و سلامتی کا خیال رکھنا چاہیے۔
انھوں نے مزید کہا کہ غزہ میں جو کچھ ہو رہا ہے وہ انسانیت کے ضمیر کو جگانے کے لئے کافی ہونے کے ساتھ انسانی حقوق کا دعویٰ کرنے والے یورپ کا امتحان بھی ہے۔
انہوں نے اپنے پیغام میں اس بات پر زور دیا کہ یورپ کو فلسطین کے مسئلے پر انصاف کے لئے آواز بلند کرنی چاہیے۔
ایران کے وزیر خارجہ نے کہا کہ ایران احترام، تعمیری بات چیت، باہمی مفادات کے لئے تعاون اور دنیا میں امن و سلامتی کی بنیاد پر یورپ کے ساتھ کام کرنے کے لئے تیار ہے۔
آپ کا تبصرہ