مہر خبررساں ایجنسی نے الجزیرہ کے حوالے سے خبر دی ہے کہ یمنی فوج نے بحیرہ احمر میں امریکی فوجی کشتی کو ڈرون حملوں کا نشانہ بنایا ہے۔
امریکی سینٹرل کمانڈ نے یمنی فوج کی جانب سے حملوں کی تصدیق کرتے ہوئے بیان جاری کیا ہے کہ یمنی فوج ن بحیرہ احمر میں چھے ڈرون حملے کئے تاہم کشتی کے دفاعی نظام نے بروقت کاروائی کرتے ہوئے ڈرون طیاروں کو تباہ کردیا۔
بیان میں مزید کہا گیا ہے کہ یمنی فوج نے اسی علاقے میں برطانوی کشتی پر بھی حملہ کرتے ہوئے دو بیلسٹک میزائل داغے۔
برطانوی بحریہ کی جانب سے جاری بیان میں کہا گیا ہے کہ خلیج عدن میں بھی برطانوی کشتی پر میزائل حملہ کیا گیا ہے۔ پالاؤ کے پرچم لگائے ہوئے جہاز کا تعلق برطانوی بحریہ سے تھا جس کو یمنی فوج نے میزائل سے نشانہ بنایا جس سے کشتی کو آگ لگ گئی۔
آپ کا تبصرہ