مہر خبررساں ایجنسی نے المعلومہ نیوز کے حوالے سے خبر دی ہے کہ عراق کے فتح اتحاد کے سربراہ رعد التمیمی نے کہا: امریکی جارحیت پسندوں کے جرائم میں اضافہ ہو رہا ہے اور وہ عراق کی سلامتی اور استحکام کے لیے براہ راست خطرہ ہیں۔
انہوں نے مزید کہا کہ ہم حشد الشعبی کے رہنماؤں کے ٹھکانوں پر امریکی افواج کے پے در پے حملوں کا مشاہدہ کر رہے ہیں جن کے نتیجے میں درجنوں افراد شہید اور زخمی ہو چکے ہیں۔
التمیمی نے مزید کہا کہ تمام عراقی اس ملک کی موجودہ حکومت سے ایک قومی موقف کی توقع رکھتے ہیں تاکہ امریکی فوجیوں کو ملک سے نکال باہر کیا جاسکے۔
انہوں نے زور دے کر کہا کہ قابض امریکیوں نے عراق کی مجاہد افواج کے خلاف جرائم کا ارتکاب کیا جنہوں نے دہشت گردی کے خلاف جنگ اور اس ملک کے شہروں کی آزادی میں موثر کردار ادا کیا ہے۔
التمیمی نے کہا کہ عراقی حکومت کو سلامتی کونسل سے رجوع کرکے اس ملک میں امریکی افواج کی موجودگی کے جواز کو ختم کرنا چاہیے۔ جب کہ اس سلسلے میں ایک جامع قومی معاہدہ پہلے سے موجود ہے۔
آپ کا تبصرہ