غزہ میں حماس کو مکمل برتری حاصل ہے، صہیونی اخبار

مہر خبررساں ایجنسی نے فلسطینی ذرائع ابلاغ کے حوالے سے کہا ہے کہ حماس کے غزہ میں زیرزمین پیچیدہ نظام سے صہیونی میڈیا اور مبصرین مبہوت ہوکر رہ گئے ہیں۔

اسرائیلی میڈیا نے اعتراف کیا ہے کہ غزہ اسرائیلی فوج کے لئے پیچیدہ ترین چیلنج بن چکا ہے۔ یدیعوت احارونوت ایک رپورٹ میں کہا ہے کہ حماس کے جوان ہر روز گھات لگا کر اسرائیلی فوج پر حملے کرتے ہیں۔ کسی بھی لمحے یہ جوان زیرزمین سرنگوں سے نکل کر مارٹر گولوں اور بکتربند شکن میزائل فائر کرسکتے ہیں۔

صہیونی مبصر یوسی یہوشع نے اخبار میں اپنے کالم میں لکھا ہے کہ حماس کی سرنگوں میں پانی ڈالا جائے تو بھی حماس کی برتری ختم نہیں ہوگی۔

صہیونیوں نے فلسطینی قصبے شجاعیہ کو ڈراونا خواب کا نام دیا ہے جہاں حماس کی سرنگ کے نزدیک صہیونی فوجیوں پر حملہ کرکے کل بھی دسیوں فوجی مار دئیے گئے۔