صہیونی حکومت کی مسلسل بمباری، زخمی راستے میں دم توڑ رہے ہیں، ڈاکٹرز ود آؤٹ بارڈرز

مہر خبررساں ایجنسی کی رپورٹ کے مطابق، صہیونی حکومت غزہ کے ساتھ غرب اردن کے مختلف مقامات پر بھی شدید حملے کررہی ہے۔ جنین اور دوسرے شہروں سے موصولہ اطلاعات کے مطابق حملوں میں زخم ہونے والے طبی امداد نہ ملنے کی وجہ سے راستے میں دم توڑ رہے ہیں۔

ڈاکٹروں کی بین الاقوامی تنظیم ڈاکٹرز ود آؤٹ بارڈرز نے کہا ہے کہ صہیونی فورسز کے مسلسل حملوں کی وجہ سے زخمیوں کو ہسپتال اور طبی مراکز پہنچانے میں مشکلات کا سامنا ہے اسی لئے زخمیوں کی بڑی تعداد اپنی جان سے ہاتھ دھورہی ہے۔

تنظیم نے اپیل کی ہے کہ جنین میں ہسپتالوں اور ایمبولینسوں پر حملہ بند کیا جائے۔ فلسطینی وزارت صحت کے مطابق گذشتہ روز سے جنین پر ہونے والے حملوں کے نتیجے میں شہید ہونے والوں کی تعداد 11 ہوگئی ہے۔