ایران کا لبنانی قوم کے ساتھ کھڑا رہنے کا عزم/ باہمی تعاون کو فروغ دینے پر تاکید

اسلامی جمہوریہ ایران کے وزير خارجہ نے کہا ہے کہ ہم لبنانی قوم کے ساتھ کھڑے ہیں اور لبنان کے ساتھ تمام شعبوں میں تعلقات کو فروغ دینے کا عزم رکھتے ہیں۔

مہر خبررساں ایجنسی کے نامہ نگار کی رپورٹ کے مطابق اسلامی جمہوریہ ایران کے وزير خارجہ محمد جواد ظریف لبنان کے دو روزہ دورے پر بیروت پہنچ گئے ہیں۔ جہاں انھوں نے لبنان کی سیاسی شخصیات اور مختلف احزاب کے نمائندوں سے ملاقات میں کہا ہے کہ ہم لبنانی قوم کے ساتھ کھڑے ہیں اور لبنان کے ساتھ تمام شعبوں میں تعلقات کو فروغ دینے کا عزم رکھتے ہیں۔ ایرانی وزیر خارجہ نے لبنان کے دورے پر خوشی اور مسرت کا اظہار کرتے ہوئے کہا ہے کہ ایرانی قوم عالمی سامراجی طاقتوں کی عداوت اور دشمنی کے باوجود علاقائی قوموں خاص طور پر فلسطینی اور لبنانی قوم کے ساتھ کھڑی ہے۔ انھوں نے کہا کہ ایران لبنان کے ساتھ تمام شعبوں میں باہمی تعلقات کو فروغ دینے کا عزم رکھتا ہے۔ اس ملاقات میں لبنان کی سیاسی  و سماجی شخصیات اور نمائندوں نے انقلاب اسلامی کی چالیسویں سالگرہ کے موقع پر ایرانی حکومت اور عوام کو مبارکباد پیش کی۔

News Code 1888026

لیبلز

آپ کا تبصرہ

You are replying to: .
  • 3 + 1 =