اگر ہم نے بیت المقدس کو کھو دیا تو پھر ہم مکہ اور مدینہ کی حفاظت نہیں کرسکیں گے

مہر خبررساں ایجنسی نے آناتولی کے حوالے سے نقل کیا ہے کہ ترکی کے صدر رجب طیب اردوغان نے کہا ہے کہ اگر ہم نے بیت المقدس کو کھو دیا تو پھر ہم مکہ اور مدینہ کی حفاظت نہیں کرسکیں گے۔ ترکی کے صدر نے استنبول میں 2017 نجیب فاضل انعامی تقریب سے خطاب کرتے ہوئے کہا کہ اگر ہم نے بیت المقدس کو گنوا دیا تو ہم مدینہ کی حفاظت نہیں کرسکیں گے اور اگر ہم نے مدینہ کو کھو دیا توپھر  ہم مکہ کی حفاظت نہیں کرسکیں گے اگر مکہ ہاتھ سے چلا گیا تو کعبہ بھی ہاتھ سے نکل جائےگا۔

ترک صدر نے کہا کہ اگر ہم ہاتھ کے ذریعہ کچھ نہیں کرسکتے تو کم سے کم زبان کے ذریعہ دشمن اور ظالم  کے خلاف آواز بلند کریں ، اگر زبان سے آواز بلند نہیں کرسکتے تو کم سے کم دل سے بیزاری کا اظہار کرنا چاہیے۔