جنوبی وزیر ستان میں تصادم کے نتیجے میں 4 افراد ہلاک

مہر خبررساں ایجنسی نےایکسپریس کے حوالے سے نقل کیا ہے کہ پاکستان کے قبائلی علاقہ جنوبی وزیر ستان میں اعظم ورسک میں 2 گروپوں کے درمیان تصادم کے نتیجے میں 4 افراد ہلاک ہوگئے۔ اطلاعات کے مطابق جنوبی وزیرستان کے علاقے اعظم ورسک میں 2 گروپوں میں تصادم ہوگیا، دونوں گروپ کے درمیان فائرنگ کا تبادلہ ہوا، تصادم کے نتیجے میں 4 افراد موقع پرہی  ہلاک ہوگئے۔ پولیٹیکل انتظامیہ کے مطابق  فائرنگ کا واقعہ دشمنی کی بنا پرپیش آیا، لاشوں کو اسپتال منتقل کردیا گیا ہے۔