قطر کے 26 شکاریوں کا اغوا

مہر خبررساں ایجنسی نے عرب ذرائع کے حوالے سے نقل کیا ہے کہ عراق میں سعودی عرب کی سرحد کے قریب صحرائی علاقے میں نامعلوم افراد نے قطر کے 26 شکاریوں کو اغوا کرلیا ہے۔ ذرائع کے مطابق حملہ آور 50 گاڑیوں پر سوار تھے اور انہوں نے شکاریوں کے کیمپ پر دھاوا بول دیا۔ پولیس کے مطابق حملہ آوروں کی تلاش کیلئے بڑے پیمانے پر سرچ آپریشن شروع کردیا گیا ہے۔ پولیس افسر کے مطابق  شکاریوں کو حفاظت کیلئے سکیورٹی گارڈ فراہم کئے گئے تھے تاہم انہوں نے زیادہ محافظ ساتھ نہ رکھنے کا فیصلہ کیا تھا۔ واضح رہے کہ خلیج کے کئی ممالک سے لوگ اس موسم میں شکار کیلئے مذکورہ علاقے میں آتے ہیں۔