پیرس حملوں کے الزام میں تین مشتبہ افراد بیلجیئم سے گرفتار

مہر خبررساں ایجنسی نے ذرائع کے حوالے سے نقل کیا ہے کہ فرانسیسی پولیس ذرائع کے مطابق پیرس حملوں کے الزام میں تین مشتبہ افراد کو بیلجیئم کے دارالحکومت برسلز کے قریب مولن بیک کے علاقے سے گرفتار کیا گیا۔ پولیس کے مطابق یہ افراد حملہ آوروں کے سہولت کار ہوسکتے ہیں۔ فرانسیسی میڈیا کے مطابق ان افراد سے پولیس پوچھ گچھ کر رہی ہے تاہم ان سے کسی قسم کی معلومات کے بارے میں نہیں بتایا گیا۔ پولیس نے ان افراد کی کوئی شناخت بھی جاری نہیں کی۔