عراق کا سعودی عرب کی طرف سے دہشت گردوں کی حمایت کے بارے میں شواہد پیش کرنے کا اعلان

مہر خبررساں ایجنسی کی رپورٹ کے مطابق عراقی پارلیمنٹ کے ایک نمائندے علی شلاۃ نے کہا ہے کہ سعودی عرب دہشت گردوں کی بھر پور حمایت کررہا ہے اور عراقی حکومت نےعلاقائی ممالک کو اس سلسلے میں اہم شواہد پیش کرنے کا فیصلہ کیا ہے۔

العالم کے ساتھ گفتگو کرتے ہوئے انھوں نے کہا کہ عراقی حکومت کے پاس ایسے شواہد ہیں جن سے صاف معلوم ہوتا ہے کہ سعودی عرب دہشت گردوں کی بڑے پیمانے پر حمایت اور انھیں ہتھیار اور مالی مدد فراہم کررہا ہے ۔

انھوں نے کہا کہ عراقی حکومت ان شواہد کو عالمی اداروں اور علاقائي ممالک کو پیش کرےگی۔