پاکستان میں رمضان المبارک کا چاند نظرنہیں آيا

مہرخبررساں ایجنسی نے پاکستانی ذرائع کے حوالے سے نقل کیا ہے کہ پاکستان میں رمضان المبارک کا چاند نظرنہیں آیالہذا پاکستان میں پہلا روزہ کل جمعرات کو ہوگا۔کراچی میں مرکزی رویت ہلال کمیٹی کے چیئرمین مفتی منیب الرحمان نے کمیٹی کے اجلاس کے بعد کہا کہ رمضان المبارک کا چاند دیکھنے کے لیے ملک بھر میں رویت ہلال کمیٹیوں کے اجلاس ہو ئے ہیں لیکن چاند کہیں نظر نہیں آيا ۔مرکزی اجلاس کراچی میں مفتی منیب الرحمان کی صدارت میں ہوا۔ مفتی منیب الرحمان کے مطابق ملک بھر میں کہیں پر چاند نظرنہیں آیا اور نہ کہیں سے چاندنظر آنے کی شہادت موصول ہوئی،محکمہ موسمیات کے ملک بھر میں قائم48مراکز نے کہیں بھی چاند نظر نہ آنے کی رپورٹ دی ،اِس کے علاوہ پشاور کی رویت ہلال کمیٹی نے بھی چاند نظر نہ آنے کی اطلاع دے دی ہے۔لہٰذا پہلا روزہ جمعرات کو ہوگا۔ ادھرہندوستان میں نئی دہلی کی جامع مسجد کے پیش امام نے اعلان کیا ہے کہ ہندوستان میں بھی رمضان کاچاندنظرنہیں آیا،ہندوستان میں بھی پہلاروزہ جمعرات کوہوگا۔ واضح رہے کہ آج ایران اور خلیجی عرب ممالک میں رمضان المبارک کا پہلا روزہ ہے۔