ایشین کپ فٹبال مقابلوں میں جاپان اور ازبکستان کی ٹیمیں سیمی فائنل میں پہنچ گئی ہیں

مہر خبررساں اایجنسی کی رپورٹ کے مطابق قطر میں ایشین کپ فٹبالمقابلوں میں کوارٹر فائنل میں کامیابی کے بعد جاپان اور ازبکستان کی ٹیمیں ایشین کپ فٹبال ٹورنامنٹ کے سیمی فائنل میں پہنچ گئی ہیں۔ ایشین کپ فٹبال کے پہلے کواٹر فائنل میں جاپان کا مقابلہ میزبان ٹیم قطر سے تھا ۔ قطر کی ٹیم نے آغاز سے ہی جاپانی کھلاڑیوں کو دباؤ میں رکھا اور12ویں منٹ میں میچ کا پہلا گول اسکور کیا۔ جاپانی کھلاڑیوں نے اس برتری کو28ویں منٹ میں برابر کردیا۔ دوسرے ہاف میں دونوں ٹیموں نے مزید ایک ایک گول اسکور کیا، کھیل کے آخری منٹ میں جاپان نے تیسرا گول اسکور کرکے تین دو سے کامیابی حاصل کرلی، اس جیت کے ساتھ جاپان سیمی فائنل میں پہنچ گیا۔ دوسرے کوارٹر فائنل میں ازبکستان نے اردن کو2-1 سے ہرا کر پہلی بار ایشین کپ فٹبال کے سیمی فائنل میں جگہ بنالی ہے۔