تھائی لینڈ اور کمبوڈیا میں جنگ بندی کا معاہدہ

مہر خبررساں ایجنسی کی رپورٹ کے مطابق، تھائی لینڈ اور کمبوڈیا نے امریکی صدر ڈونلڈ ترامپ کی موجودگی میں ایک معاہدے پر دستخط کیے جس کا مقصد پانچ روزہ مہلک سرحدی جنگ کے بعد جنگ بندی کو مستحکم کرنا ہے۔

تھائی لینڈ اور کمبوڈیا کے درمیان جولائی میں 817 کلومیٹر سرحد پر خونریز جھڑپیں ہوئی تھیں، جن میں 48 افراد ہلاک اور لاکھوں لوگ عارضی طور پر بے گھر ہوئے۔ یہ حالیہ دہائیوں کی سب سے شدید جھڑپ قرار دی جاتی ہے۔

یہ معاہدہ اس جنگ بندی پر مبنی ہے جو تین ماہ قبل امریکی صدر ڈونلڈ ٹرمپ کی کال کے بعد برقرار ہوئی تھی، جس میں انہوں نے دونوں ممالک کو لڑائی ختم کرنے یا واشنگٹن کے ساتھ تجارتی مذاکرات ختم کرنے کی دھمکی دی تھی۔ 

تنازعات کی بنیاد 1907میں بنائے گئے نقشے پر ہے، جس پر کمبوڈیا اپنی سرحدی دعوے رکھتا ہے جبکہ تھائی لینڈ اسے غلط سمجھتا ہے۔ فروری میں مندر "پره ویہار" پر جھڑپیں بھی اس تنازع کا حصہ تھیں، جس میں فوجی اور شہری دونوں ملوث ہوئے۔