مہر خبررساں ایجنسی کی رپورٹ کے مطابق، ایرانی وزارت خارجہ کے ترجمان نے جنوبی لبنان پر حالیہ اسرائیلی فضائی حملوں کی شدید مذمت کرتے ہوئے انہیں لبنان کی خودمختاری اور علاقائی سالمیت کی کھلی خلاف ورزی قرار دیا۔
تفصیلات کے مطابق، ترجمان اسماعیل بقائی نے گزشتہ چوبیس گھنٹوں کے دوران جنوبی لبنان میں اسرائیل کی جانب سے کیے گئے فضائی حملوں کی مذمت کی اور انہیں لبنان کی خودمختاری اور قومی وحدت کی صریح خلاف ورزی قرار دیا۔
انہوں نے حالیہ مہینوں میں صہیونی حکومت کی جانب سے جنگ بندی کی مسلسل خلاف ورزیوں کی طرف اشارہ کیا، جن کی تعداد مبینہ طور پر 5,000 کے قریب پہنچ چکی ہے۔ ان خلاف ورزیوں کے نتیجے میں لبنانی شہریوں کو نقصان پہنچا؛ بنیادی ڈھانچے تباہ ہوئے، اور ملک کی تعمیر نو و اقتصادی ترقی کی کوششیں متاثر ہوئیں۔
بقائی نے موجودہ صورتحال کو جنگ بندی کے ضامن ممالک فرانس اور امریکہ کی خاموشی اور مسلسل چشم پوشی کا نتیجہ قرار دیا کہا کہ اسرائیل کی مسلسل خلاف ورزیوں کی براہِ راست ذمہ داری انہی ممالک پر عائد ہوتی ہے۔
آپ کا تبصرہ