مہر خبررساں ایجنسی کی رپورٹ کے مطابق، امریکی صدر ٹرمپ نے عمان کے سلطان سے ایک ٹیلی فونک بات چیت کے دوران واشنگٹن اور تہران کے درمیان جاری مذاکرات میں مسقط کی کوششوں کو سراہا۔
عمان نیوز ایجنسی نے اپنی رپورٹ میں لکھا کہ ملک کے سلطان اور امریکی صدر نے مطلوبہ نتائج حاصل کرنے کے لیے واشنگٹن اور تہران کے درمیان جاری مذاکرات کی حمایت کے طریقوں پر تبادلہ خیال کیا۔
امریکہ اور ایران نے رواں ہفتے بالواسطہ مذاکرات کا پہلا دور مکمل کیا، جس کی میزبانی عمان نے کی جس کا مقصد دو طرفہ کشیدگی کو کم کرنا تھا۔
امریکی صدر ٹرمپ، مغربی ایشیا کے لیے ان کے نمائندے اور وائٹ ہاؤس نے الگ الگ بیانات میں مذاکرات کے پہلے دور کو "مثبت" اور "تعمیری" قرار دیا۔
فریقین کے درمیان بالواسطہ مذاکرات کا دوسرا دور آئندہ ہفتے کو ہوگا۔
آپ کا تبصرہ