مہر خبررساں ایجنسی کے مطابق، ایرانی عبوری وزیرخارجہ علی باقری کنی نے متحدہ عرب امارات کے وزیرخارجہ عبداللہ بن زاید النہیان سے ٹیلی فون پر رابطہ کیا اور دونوں ممالک کے تعلقات اور خطے کے مسائل پر گفتگو کی۔
علی باقری نے اماراتی ہم منصب کو عید قربان کی مناسبت سے ہدیہ تبریک پیش کی اور کہا کہ اسلامی ممالک کو غزہ میں صہیونی حکومت کے مظالم کا شکار فلسطینیوں کے حوالے سے مشترکہ کوشش کرنا چاہئے۔
اس موقع پر عرب امارات کے وزیرخارجہ نے بھی ایرانی حکومت اور عوام کو مبارک باد پیش کی اور کہا غزہ میں صہیونی حکومت کی جارحیت کو روکنے اور فلسطینی بھائیوں کے لئے امدادی سامان بھیجنے کی ضرورت ہے۔
انہوں نے کہا کہ عرب امارات غزہ میں جنگ بندی اور فلسطینی عوام کو امدادی سامان کی ترسیل کے حوالے سے کوششیں جاری رکھے گا۔
آپ کا تبصرہ