مہر خبررساں ایجنسی کی رپورٹ کے مطابق، منگل کو جنوبی افریقہ کی میزبانی میں منعقدہ "برکس" سربراہی اجلاس میں شریک ممالک کے سربراہان نے ایک لائحہ عمل مرتب کرتے ہوئے رکن ممالک کے تجارتی اور اقتصادی لین دین میں ڈالر کے عالمی تسلط اور عالمی یک قطبی نظام کے خاتمے کا مطالبہ کیا۔
المیادین خبررساں ایجنسی کے مطابق برکس کا 15واں سربراہی اجلاس آج (منگل کو) جنوبی افریقہ کے دارالحکومت جوہانسبرگ میں تین روز تک ابھرتی ہوئی معیشتوں چین، برازیل، روس اور بھارت کے رہنماؤں کی موجودگی سے شروع ہوا۔ اس رپورٹ کی بنیاد پر جوہانسبرگ میں برکس گروپ کے سربراہان نے اپنے کے ایجنڈے میں مغربی ممالک کے عالمی مالیاتی اور اقتصادی تسلط کو روکنے کے طریقہ کار کا جائزہ لیتے ہوئے مشاورت کی۔
اس اجلاس میں برکس کے رکن ممالک کے سربراہان نے الگ الگ تقریروں میں برکس گروپ کے مستقبل کے منصوبوں کی وضاحت کرتے ہوئے عالمی مالیاتی نظام کی اصلاح کے لیے ٹارگٹڈ پروگرام پر زور دیا۔
چینی صدر: ہم کثیرالجہتی کی حمایت کرتے ہیں۔
برکس سربراہی اجلاس میں شرکت کے لیے جنوبی افریقہ کے دورے کے دوران چین کے صدر نے دنیا میں کثیرالجہتی کی بنیادوں کو مضبوط کرنے کی ضرورت پر زور دیا۔
روسی صدر: برکس کے مستقبل کے مالیاتی لین دین کے لیے ڈالرائزیشن کا خاتمہ ایک یقینی شرط ہے۔
ویڈیو کانفرنس کے ذریعے برکس اجلاس میں شرکت کرنے والے ولادیمیر پوتن نے ایک تقریر میں زور دیا: ہمارے اقتصادی تعلقات میں ڈالر کی کمی کا معروضی اور ناقابل واپسی عمل بڑھ رہا ہے، اور باہمی تصفیہ اور مالیاتی معاملات کے لیے موثر پروسیسنگ کنٹرول میکانزم قائم کرنے کی کوششیں کی جا رہی ہیں۔ جس کے نتیجے میں برکس میں برآمدات اور درآمدی لین دین میں ڈالر کا حصہ کم ہو رہا ہے اور پچھلے سال یہ صرف 28.7 فیصد تھا۔
برازیل کے صدر: ہم برکس کرنسی کے قیام کی حمایت کرتے ہیں۔
برازیل کے صدر لولا دا سلوا نے بھی ایک تقریر میں اعلان کیا کہ ان کا ملک برکس تجارتی کرنسی کے قیام کی حمایت کرتا ہے۔
انہوں نے مزید کہا: افریقی براعظم کی زمین کا 60 فیصد حصہ زرعی صلاحیت رکھتا ہے اور عالمی غذائی ضروریات اور تحفظ فراہم کرنے کی صلاحیت رکھتا ہے۔
انہوں نے واضح کیا کہ برکس کے خصوصی بینکنگ سسٹم سے نہ صرف مالی مسائل حل کیے جاسکتے ہیں بلکہ یہ کہ برکس تجارتی لین دین میں ممالک کی قومی کرنسی کی جگہ لے کر ڈالر کو ختم کر سکتا ہے اور برکس اس وقت اس کے طریقہ کار پر عمل پیرا ہے۔
جنوبی افریقہ کے صدر: ہم عالمی مالیاتی نظام میں بنیادی اصلاحات کی حمایت کرتے ہیں۔
جنوبی افریقہ کے صدر اور جوہانسبرگ میں برکس سربراہی اجلاس کے متواتر چیئرمین سیرل رامافوسا نے برکس گروپ کے اہم ارکان کے رہنماؤں کی موجودگی میں ایک تقریر میں برکس گروپ کے مرکزی کردار کا ذکر کرتے ہوئے کہا: برکس گروپ رکن ممالک عالمی معیشت کا ایک چوتھائی اور عالمی تجارت کا پانچواں حصہ بناتے ہیں۔
عالمی مالیاتی نظام میں بنیادی اصلاحات ضروری ہیں۔ برکس سربراہی اجلاس اگلے دو دنوں میں پریٹوریا میں ہونے والا ہے۔
اس اجلاس میں اسلامی جمہوریہ ایران کے صدر آیت اللہ سید ابراہیم رئیسی بھی شرکت کریں گے۔
عالمی معیشت کے ان دنوں میں ایران، الجزائر، ارجنٹائن، مصر، انڈونیشیا، سعودی عرب، ترکی، متحدہ عرب امارات اور کئی ممالک اس بااثر اقتصادی گروپ میں شامل ہونے کے راستے پر ہیں۔
برکس اقتصادی گروپ "گروپ آف سیون" (G7) کو پیچھے چھوڑ رہا ہے اور جائزوں کے مطابق، عالمی مجموعی گھریلو پیداوار میں برکس کے رکن ممالک کا حصہ 2030 تک 50 فیصد سے تجاوز کر جائے گا۔
فی الوقت، پانچ "برکس" ممالک عالمی جی ڈی پی کا تقریباً 31.5% بنتے ہیں۔ جبکہ "G7" ممالک کا حصہ 30% سے کم ہے، اور یہ پیشین گوئی کی گئی ہے کہ عالمی GDP میں BRICS ممالک کا حصہ 2030 تک 50% سے تجاوز کر جائے گا، اور BRICS گروپ کی مجوزہ ترقی اس ہدف کو مضبوطی سے تقویت دے گی۔ واضح رہے کہ برکس گروپ میں بنگلہ دیش، مصر اور متحدہ عرب امارات کے ساتھ ساتھ کئی دیگر ممالک کی شمولیت کے ساتھ مسلسل توسیع دیکھی جا رہی ہے جو کہ برکس گروپ کے نئے ترقیاتی بینک میں شامل ہونے کی تیاری کر رہے ہیں۔
یہ تبدیلی اس بات پر زور دیتی ہے کہ عالمی میدان میں "برکس" گروپ کی طاقت اور اثر و رسوخ بڑھ رہا ہے اور مستقبل میں "G7" کو چیلنج کر سکتا ہے۔
دوسری طرف، "برکس" ممالک کے مفادات صرف تجارت تک ہی محدود نہیں ہیں بلکہ ان کی جڑیں اس سیاسی نظرئے میں پیوست ہیں کہ دنیا کو کثیر قطبی بننا چاہیے۔
آپ کا تبصرہ