مہر خبررساں ایجنسی نے العلان اخبار کے حوالے سے خبر دی ہے کہ متحدہ عرب امارات کی وزارت خارجہ نے ابوظہبی میں سویڈن کے ناظم الامور کو طلب کرکے انہیں اس ملک میں انتہا پسند عناصر کی جانب سے مقدس مقامات کی مسلسل توہین کے خلاف احتجاجی مراسلہ سونپا۔
متحدہ عرب امارات کی وزارت خارجہ نے بھی سویڈش حکومت کی اس اقدام کی حمایت اور بین الاقوامی ذمہ داریوں سے بچنے اور سماجی اقدار کی توہین کرنے کے علاوہ ایسی گھناؤنی حرکتوں کی اجازت دینے کی شدید مذمت کی۔
امارتی وزارت خارجہ نے نسل پرستانہ اور انتہا پسندانہ خیالات پر نظر رکھنے کی ضرورت پر زور دیا جو امن اور سلامتی کو منفی طور پر متاثر کرتے ہیں، اور متحدہ عرب امارات کی جانب سے اس طرح کے گھناؤنے اقدامات کو عملی جامہ پہنانے کے لیے اظہار رائے کی آزادی کو استعمال کرنے کی مخالفت کی۔
متحدہ عرب امارات کی وزارت خارجہ نے اعلان کیا کہ ابوظہبی ہمیشہ ایسے اقدامات کے خلاف ہے جو سلامتی اور استحکام کو تباہ کرتے ہیں اور انسانی اور اخلاقی اقدار سے متصادم ہیں۔ اس طرح کے خیالات مختلف اقوام کے درمیان پرامن بقائے باہمی کی اقدار کو پھیلانے کی بین الاقوامی کوششوں سے متصادم ہیں۔
وزارت خارجہ نے مذہبی علامتوں اور مقدسات کا احترام کرنے اور ایسی صورتحال میں اشتعال انگیز اقدامات سے گریز کرنے پر زور دیا جہاں دنیا کو پرامن بقائے باہمی کی حمایت کے لیے ہر ایک کی کوششوں کی ضرورت ہے۔
متحدہ عرب امارات نے یہ بھی کہا کہ ایسی گھناؤنی کارروائیوں کو دہرانے کی اجازت دینا بین الاقوامی قانون کی خلاف ورزی ہے۔
ایسے قوانین جو مذاہب اور ان کی مقدس کتابوں اور علامتوں کی توہین اور انتہا پسند نظریات کے پھیلاؤ کا سبب بنتے ہوں ان کی روک تھام ضروری ہے کیونکہ یہ اعمال آخرکار دنیا میں تنازعات اور بڑھتی ہوئی کشیدگی کا باعث بنیں گے۔
کویت کے وزیر خارجہ "سالم عبداللہ الجابر الصباح" نے بھی اس سے قبل سویڈن میں ایک شدت پسند کی جانب سے قرآن پاک کی دوبارہ توہین کرنے کے عمل کی شدید مذمت کی تھی۔
سالم عبداللہ الصباح نے خبردار کیا کہ یہ بار بار کیے جانے والے اقدامات مسلمانوں کے جذبات کو اشتعال دلانے کا باعث بنتے ہیں۔
کویت کے وزیر خارجہ نے سویڈن کو ان اقدامات کا مکمل طور پر ذمہ دار ٹھہرایا، جو مسلمانوں کے خلاف نفرت کو فروغ دینے اور تشدد کی حوصلہ افزائی کا باعث بنتے ہیں، خاص طور پر اس بات پر غور کرتے ہوئے کہ یہ واقعہ اس شخص کی جانب سے مختصر عرصے میں دہرایا گیا۔
لبنانی ذرائع ابلاغ نے جمعہ کو خبر دی ہے کہ ملک میں سویڈن کی سفیر این ڈسمور نے بیروت چھوڑ دیا ہے۔
ذرائع نے بتایا کہ لبنانی حکام کی جانب سے سفارت خانے کے ارد گرد حفاظتی انتظامات سخت کیے جانے کے بعد سویڈش سفیر نے بیروت چھوڑنے کا فیصلہ کیا۔
یہ کارروائی ایسے وقت میں ہوئی ہے جب لبنان میں حزب اللہ کے سیکرٹری جنرل سید حسن نصر اللہ نے عرب اور اسلامی ممالک سے سویڈن سے اپنے سفیروں کو واپس بلانے اور سویڈن کے سفیروں کو ملک بدر کرنے کا مطالبہ کیا ہے۔
سویڈش حکومت کی واضح ملی بھگت کے ساتھ قرآن پاک کی بے حرمتی کے تکرار کے جواب میں لبنان کی حزب اللہ کے سیکرٹری جنرل نے تمام عرب اسلامی ممالک سے سویڈش سفیر کو فوری طور پر ملک بدر کرنے اور اپنے سفیروں کو واپس بلانے اور اس توہین کرنے والے ملک کے ساتھ سفارتی تعلقات منقطع کرنے کا مطالبہ کیا۔
عراقی وزیراعظم نے سٹالک ہوم سے ملکی سفیر کو واپس بلانے اور عراق سے سویڈن کے سفیر کو ملک بدر کرنے کا بھی حکم دیا۔
واضح رہے کہ سویڈن میں مقیم ایک عراقی تارک وطن نے ایک بار پھر اس ملک میں عراقی سفارت خانے کے سامنے قرآن پاک کی توہین کی اور عراقی پرچم کو آگ لگا دی جس پر اسلامی ممالک میں مذمت اور احتجاج کی لہر دوڑ گئی ہے۔
آپ کا تبصرہ