بھارت میں انفلوئنزا کی خطرناک قسم تیزی سے پھیلنے لگی

مہر خبررساں ایجنسی نے ہندوستان ٹائمز سے نقل کیاہےکہ بھارت میں انفلوئنزا کی خطرناک قسم ایچ تھری این ٹو (H3N2) وائرس تیزی سے پھیل رہا ہے جس سے پہلی ہلاکت کی بھی تصدیق کی جاچکی ہے۔

بھارتی میڈیا کا بتانا ہےکہ انفلوئنزا وائرس کے اب تک 90 سے زائد کیسز رپورٹ ہوچکے ہیں جن میں سے دو افراد اس وائرس سے ہلاک ہوئے جہاں ریاست کرناٹکا میں 82 سالہ شہری چل بسا۔82 سالہ شہری کو 24 فروری کو وائرس کی تشخیص کے بعد اسپتال میں داخل کیا گیا جس کی موت یکم مارچ کو ہوئی تھی جب کہ دوسرے شہری کی ہلاکت ہریانہ میں ہوئی۔

بھارتی میڈیا کے مطابق حکام کا کہنا ہےکہ یکم مارچ کو انتقال کرنے والے شہری کو شوگر بھی تھی۔

بھارتی میڈیا کا بتانا ہے کہ ملک میں گزشتہ چند ماہ سے اس انفلوئنزا وائرس کے کیسز سامنے آرہے ہیں جسے ہانگ کانگ فلو بھی کہا جاتا ہے، اس وائرس کی علامات بھی کورونا سے ملتی جلتی ہیں۔