ایجنسی کے ایک انسپکٹر نے نادانستہ غلط رپورٹ دی/ معاملہ افہام و تفہیم سے حل ہوگیا ہے

مہر خبر رساں ایجنسی کی رپورٹ کے مطابق، ایران کی ایٹمی توانائی تنظیم کی مصنوعات اور جوہری کامیابیوں کی 53ویں نمائش کی سائڈ لائن پر تنظیم کے سربراہ محمد اسلامی نے صحافیوں سے گفتگو کرتے ہوئے کہا کہ عالمی ایجنسی ﴿آئی اے ای اے﴾ کے ایک معائنہ کار نے نادانستہ طور پر غلط دی تھی کہ ایران نے شہید علی محمدی افزودگی سائٹ (فردو) میں آپریشنل طریقہ کار میں تبدیلیاں کی ہیں جن کا پہلے اعلان نہیں کیا گیا تھا۔

انہوں نے مزید بتایا کہ سابقہ انسپکٹرز نے اس جگہ (فردو فیول اینرچمنٹ پلانٹ) کا دورہ کیا اور ان کو دی گئی وضاحتوں کے بعد مذکورہ انسپکٹر کو اپنی غلطی کا احساس ہوا اور ایجنسی کے سیکرٹریٹ کے ساتھ ان کی ہم آہنگی کے بعد اس مسئلے کو عملی طور پر حل کر دیا گیا۔

انہوں نے مزید کہا کہ مزید برآں آج ایران آٹامک انرجی آرگنائزیشن کے سیف گارڈ آفس سے اس سلسلے میں عالمی ایجنسی کے سابقہ خط کے جواب میں ایک خط بھی بھیجا گیا ہے۔

یاد رہے کہ بدھ کو ذرائع ابلاغ نے بین الاقوامی جوہری توانائی ایجنسی (آئی اے ای اے) کی ایک خفیہ رپورٹ کا حوالہ دیتے ہوئے خبر دی تھی کہ ایران اپنی فردو نیوکلیئر سائٹ پر 60 فیصد تک خالص یورینیم افزودہ کر رہا ہے۔

بدھ کے روز رائٹرز کے ہاتھ لگنے والی ایک خفیہ رپورٹ میں اقوام متحدہ کے جوہری نگراں ادارے نے ایران پر اس کے فردو پلانٹ میں 60 فیصد تک خالص یورینیم افزودہ کرنے والے IR-6 سینٹری فیوجز کے دو جھرنوں کے درمیان ایک غیر اعلانیہ تبدیلی کرنے پر تنقید کی گئی تھی۔
در ایں اثنا محمد اسلامی نے ایرانی جوہری مصنوعات اور کامیابیوں کی نمائش کے حوالے سے کہا کہ یہ نمائش ایسے وقت میں لگائی جارہ ہے کہ جب مغرب کی جانب سے الزامات کی بھرمار اور آئے دن قیاس آرائیاں بڑھتی جا رہی ہیں۔ ہم یہ واضح کرنا چاہتے ہیں کہ ہمارے ملک کی ایٹمی صنعت کی کامیابیاں ان الزامات سے بالکل مختلف ہیں کہ جن میں ہماری ایٹمی صنعت کے پرامن نہ ہونے کے دعووے  کیے جاتے ہیں۔ انہوں نے کہا کہ آج ہمیں ایسے حالات کا سامنا ہے کہ اس نمائش میں موجود تمام اشیاء کے حصول کے لیے ہماری باہر تک کوئی رسائی نہیں تھی۔