فواد چوہدری کی گرفتاری کے بعد حکومت کے ارادے واضح ہوگئے، سابق وزیر داخلہ

مہر خبررساں ایجنسی نے پاکستانی میڈیا سے نقل کیا ہے کہ سماجی رابطے کی ویب سائٹ ٹوئٹر پر جاری کیے گئے سلسلہ وار ٹوئٹس میں شیخ رشید نے کہا کہ الیکشن کمیشن کا کام پرچے کروانا نہیں الیکشن کروانا ہے، حکومت کے ارادے واضح ہو گئے ہیں، عوام کو سمجھ جانا چاہیے یہ الیکشن نہیں کچھ اور کرنے جا رہے ہیں۔

انہوں نے کہا کہ آئی ایم ایف کی شرائط سے پہلے گرفتاریوں کا دور شروع ہو گا، جس کے بعد حکومت کا سڑکوں پر کام تمام ہو جائے گا، زرمبادلہ کے ذخائر 4 بلین سے کم اور آئی ایم ایف کی شرائط سر پر ہیں، وزیروں کا جمعہ بازار لگا ہے۔

شیخ رشید کا کہنا ہے کہ سیاسی، اقتصادی، معاشی اور توانائی کا بحران حکومت کے گلے پڑنے والا ہے، ملک جام ہے حکومت کا کام تمام ہے