یورپی حکام نے امریکی وزیرخارجہ سے ملنے سے انکار کردیا

مہر خبررساں ایجنسی نے رائٹرز کے حوالے سے نقل کیا ہے کہ یورپی یونین کے سرکردہ حکام نے امریکی وزیرخارجہ مائیک پمپئو سے ملنے سے انکار کردیا ہے جس کے بعد امریکی وزیر خارجہ نے یورپ کا دورہ عین وقت منسوخ کردیا۔ اطلاعات کے مطابق امریکی وزیر خارجہ مائیک پمپئو نے یورپ کادورہ عین وقت پر منسوخ کردیا۔  نیٹو اتحادی لکسمبرگ کے وزیرخارجہ نے بھی امریکی وزیر خارجہ مائیک پمپئو سے ملنے سے انکار کردیا ہے۔  مائیک پمپئو کو یورپی یونین کے رہنماؤں سے ملاقات سے قبل لکسمبرگ کے ہم منصب سے ملنا تھا۔ ذرائع کے مطابق یورپی رہنماؤں نے امریکی وزیر خارجہ کو حکومت کے اخری ایام میں شدید جھٹکا دیدیا ہے۔