مہر خبررساں ایجنسی نے بھارتی ذرائع کے حوالے سے نقل کیا ہے کہ بھارت میں کورونا وائرس سے اب تک 58 ہزار 570 افراد ہلاک ہوگئے ہیں جبکہ اس سے متاثرہ مریضوں کی تعداد 31 لاکھ 70 ہزار 942 ہو گئی۔
بھارت میں کورونا وائرس کے مریضوں کی تعداد میں تیزی سے اضافہ ہورہا ہے کہ جبکہ یہ ملک کورونا وائرس میں مبتلا ہونے والے ممالک کی فہرست میں تیسرے نمبر پر ہے۔ ادھر ایران میں کورونا وائرس سے مرنے والوں کی کل تعداد 20 ہزار 776 ہو گئی جبکہ کورونا کے کل کیسز 3 لاکھ 61 ہزار 150 ہو گئے۔
سعودی عرب میں کورونا وائرس سے اب تک کل اموات 3 ہزار 691 رپورٹ ہوئی ہیں جبکہ مملکت میں اس کے مریضوں کی تعداد 3لاکھ 8 ہزار 654 تک جا پہنچی ہے۔
بنگلا دیش میں کور ونا وائرس نے 4 ہزار 28 افراد کی زندگی کا خاتمہ کر دیا ہے جبکہ یہاں 2 لاکھ 99 ہزار 628 کورونا کیسز رپورٹ ہو چکے ہیں۔
آپ کا تبصرہ