مہر خبررساں ایجنسی نے کشمیر ذرائع کے حوالے سے نقل کیا ہے کہ مقبوضہ کشمیر کے ضلع شوپیاں میں بھارتی فورسز نے آپریشن کے دوران فائرنگ کرکے مزید 3 افراد کو ہلاک کردیا ہے۔
اطلاعات کے مطابق بھارتی فوج نے مقبوضہ کشمیر میں آپریشن کے دوران فائرنگ کرکے مزید 3 کشمیری نوجوانوں کو ہلاک کردیا، بھارتی فوج نے ضلع شوپیاں میں سرچ آپریشن کے دوران فائرنگ کرکے کشمیری نوجوانوں کو ہلاک کیا جب کہ علاقے میں اب بھی سرچ آپریشن جاری ہے۔
واضح رہے کہ گزشتہ روز بھی مقبوضہ کشمیر کے ضلع کلگام میں سرچ آپریشن کے دوران قابض بھارتی فورسز نے فائرنگ کرکے 3 نوجوانوں کو ہلاک کردیا تھا ۔ بھارتی فوج کا کہنا ہے کہ ہلاک ہونے والوں کا تعلق علیحدگی پسند تنظیم سے ہے جبکہ مقامی افراد اس دعوے کی تردید کرتے ہیں۔
آپ کا تبصرہ