امریکی صدر کی افغان طالبان ملا برادر سے ٹیلیفون پر گفتگو

مہر خبررساں ایجنسی نے رائٹرز کے حوالے سے نقل کیا ہے کہ امریکہ کے صدر ڈونلڈ ٹرمپ نے طالبان کی مذاکراتی ٹیم کے سربراہ ملا عبدالغنی برادر سے ٹیلیفون پر گفتگو کی ہے۔ وہائٹ ہاؤس میں رپورٹرز سے بات کرتے ہوئے صدر ٹرمپ نے کہا کہ طالبان رہنما سے مفید گفتگو ہوئی۔ انہوں ںے کہا کہ افغان امن مذاکرات پر بھی بات چيت ہوئی۔ ہم نے افغانستان میں عدم تشدد پر اتفاق کیا۔ ادھر افغان طالبان نے افغانی فورسز پر حملہ کرکے 20 اہلکاروں کو ہلاک کردیا ہے جس کے جواب میں امریکہ نے بھی ہلمند میں طالبان کے ٹھکانوں پر شدید بمباری کی ، جس کے نتیجے میں متعدد طالبان دہشت گرد ہلاک ہوگئے۔