چين میں کورونا وائرس سے 32495 افراد ٹھیک ہوکر گھر پہنچ گئے

مہر خبررساں ایجنسی نے اسپوٹنک کے حوالے سے نقل کیا ہے کہ چینی حکام کا کہنا ہے کہ انھوں نے کورونا وائرس کو شکست دیدی ہے اور 32495 افراد ٹھیک ہوکر اپنے اپنے گھروں میں پہنچ گئے ہیں ۔ چینی حکام کے مطابق کورونا وائرس سے ہلاک ہونے والوں کی تعداد میں بھی کمی واقع ہورہی ہےاور چین کے 31 صوبوں میں 78496 افراد اب تک کورونا سے متاثر ہوئے جن میں سے 32495 افراد علاج کے بعد گھر واپس پہنچ گئے ہیں اور چینی ڈاکٹرس کورونا وائرس کو مکمل طور پر شکست دینے کی بھر پور کوشش کررہے ہیں۔