ممبئی میں دکان کی چھت گرنے سے 12افراد ہلاک

مہر خبررساں ایجنسی نے ہندوستانی ذرائع کے حوالے سے نقل کیا ہے کہ ہندوستان کے شہر ممبئی میں ایک دکان میں آگ لگنے کے بعد چھت گرگئی، جس کے نتیجے میں 12افراد ہلاک ہوگئے ہیں۔ ذرائع کے مطابق امدادی کارکنوں نے چار گھنٹوں کی کوشش کے بعدملبے سے 12افراد کی لاشیں نکال لی ہیں۔حکام کے مطابق سکی ناکہ کے ایک کمپاؤنڈ میں واقع دکان میں آج صبح چاربجے کے قریب آگ لگی، جس پر 30منٹ کے بعد ہی قابو پالیا گیا تھا۔دکان کے مالک کا کہنا ہے کہ حادثے کے وقت دکان میں 10سے 15افراد کام کررہے تھے، ملبےمیں دبے افراد کی تلاش کا کام جاری ہے۔ حکام کے مطابق بعض افراد دکان کی چھت گرنے سے پہلے ہی نکلنے میں کامیاب ہوگئےتھے۔