شمالی کوریا کا امریکی صدر ٹرمپ کو کرارا جواب/ ڈرپوک کتے اونچا بھونکتے ہیں

مہر خبررساں ایجنسی نے غیر ملکی ذرائع کے حوالے سے نقل کیا ہے کہ شمالی کوریا کے صدر کم جانگ ان نے امریکی صدر ٹرمپ کی اقوام متحدہ میں تقریر پر براہ ردعمل ظاہر کرتے ہوئے کہا ہےکہ ٹرمپ کو دھمکیوں بھری تقریر کی قیمت چکانی پڑے گی، ڈرپوک اور خوف زدہ کتے اونچا بھونکتے ہیں۔ کم جونگ ان نے شدید ردعمل کا اظہار کرتے ہوئے امریکی صدر ٹرمپ کو سٹھیایا ہوا بوڑھا بھی قرار دے دیا اور کہا کہ سٹھِیائے ہوئے بوڑھے کو گولیوں سے راہ راست پر لاؤں گا۔کم جونگ ان کے بیان پر امریکی صدر بھی باز نہ آئے اور ایک بار پھر کم جونگ کو راکٹ مین کہہ کر پکارا اور کہا، صدر کلنٹن کو برسوں پہلے راکٹ مین سے نمٹ لینا چاہیے تھا۔

ماہرین کا کہنا ہے کہ شمالی کوریا کے کسی بھی سربراہ کا ایسا یہ پہلی بار براہ راست ردعمل ہے۔اس سے پہلے ٹرمپ نے کم جانگ ان کوراکٹ مین کہہ کر پکارا تھا اورشمالی کوریاکوتباہ وبربادکرنےکی دھمکی دی تھی۔