عدن میں بم دھماکوں میں 45 افراد ہلاک/داعش نے ذمہ داری قبول کرلی

مہر خبررساں ایجنسی نے الحدث کے حوالے سے نقل کیا ہے کہ یمن کے شہر عدن میں دو خود کش حملوں کے نتیجے میں 45 افرادجاں بحق جبکہ متعدد زخمی ہو گئے ہیں ۔ اطلاعات کے مطابق عدن میں فوجی بھرتی کے ادارے کو نشانہ بنایا گیا ۔سکیورٹی اور امدادی اداروں نے لاشوں اور زخمیوں کو ہسپتال پہنچا دیا ہے جبکہ خود کش حملوں کے بعد عدن بھر میں شدید خوف و ہراس پھیل گیا ہے ۔سکیورٹی فورسز نے عدن میں سرچ آپریشن تیز کر دیا ہے اور سکیورٹی میں بھی اضافہ کر دیا گیا ہے۔ ادھر وہابی دہشت گرد تنظیم داعش نے عدن میں بم دھماکوں کی ذمہ داری قبول کرلی ہے۔