افغانستان میں 37 طالبان اور 2 سکیورٹی اہلکار ہلاک

مہر خبررساں ایجنسی نے آناتولی کے حوالے سے نقل کیا ہے کہ افغانستان کے صوبہ فاریاب میں افغان سکیورٹی فورسز اور طالبان کے درمیان جاری لڑائي میں 37 طالبان اور 2 سکیورٹی اہلکار ہلاک ہوگئے ہیں۔ افغانستان کے نائب صدر رشید دوستم کا کہنا ہے کہ اس لڑائی میں کئی درجن طالبان مارے گئے ہیں جبکہ 12 طالبان کو گرفتار بھی کرلیا گیا ہے۔ افغانستان کے نائب صدر نے پاکستان پر الزام عائد کیا کہ وہ افغانستان میں دہشت گردوں کی حمایت جاری رکھے ہوئے ہے۔