ایران نے قاہر 313 لڑاکا طیارے کی نقاب کشائی کی ہے

مہر خبررساں ایجنسی کی رپورٹ کے مطابق اسلامی جمہوریہ ایران کے صدر احمدی نژاد نے عشرہ فجر کے تیسرے دن مقامی سطح پر بنائے گئے جنگی طیارے  قاہر 313 کی نقاب کشائی کی ہے۔ قاہر 313 لڑاکا طیارے کو ایرانی ماہرین نے مقامی سطح پر تیار کیا ہے اس موقع پر ایران کے وزیر دفاع میجر جنرل احمد وحیدی نے قاہر 313 لڑاکا طیارے کو پیشرفتہ جنگی جہاز قرار دیتے ہوئے کہا کہ یہ طیارہ نچلی سطح پر پرواز رکھنے کی بھی بھر پور صلاحیت رکھتا ہےانھوں نے کہا کہ ایرانی لڑاکا طیارے کی ساخت رہبر معظم انقلاب اسلامی اور مسلح افواج کے کمانڈر انچیف کے دستورات کی روشنی میں ہوئی ہے۔ انھوں نے کہا کہ قاہر لڑاکا طیارہ ایرانی دانشوروں کی ممتاز صلاحیتوں کا مظہر ہے۔