مہر خبررساں ایجنسی کے مطابق، لبنانی روزنامہ "جمہوری" نے ایک اعلیٰ سطحی ذریعے کے حوالے سے دعویٰ کیا ہے کہ گزشتہ روز بیروت کے مضافات میں صیہونی حملہ دو اہداف کو سامنے رکھ کر کیا گیا۔
پہلا، لبنان پر نئی جنگی شرائط مسلط کرنا جب کہ دوسرا مقصد ایران اور امریکہ کے درمیان مذاکرات کو ہر ممکن حد تک ناکام بنانا ہے۔
روزنامہ جمہوری نے مذکورہ ذریعے کے حوالے سے مزید لکھا کہ اسرائیل نے بیروت کے مضافاتی علاقے کے رہائشی مکانات کو نشانہ بنایا۔
لبنانی اخبار نے مزید دعویٰ کیا کہ موصولہ اطلاعات سے ظاہر ہوتا ہے کہ اسرائیل کا بیروت کے مضافات پر حملے کا مقصد امریکہ ایران مذاکرات کو سبوتاژ کرنا ہے۔
اخبار کے مطابق نیتن یاہو غزہ جنگ کے اہداف میں ناکامی کے باعث پیدا ہونے والے اندرونی بحران اور صیہونی آبادکاروں کے مظاہروں کے دباؤ سے بچنے کے لئے جنگ جاری رکھنا چاہتے ہیں تاکہ عدالتی مواخذے کو تاخیری حربوں سے ٹال سکے۔
آپ کا تبصرہ